Union Bank of India LBO 1500 पदे

1500 पदासाठी  उमेदावार ऑनलाइन अर्ज करु शकतात. ऑनलाईन अर्ज प्रक्रिया 24 ऑक्टोबरपासून बँकेच्या

www.unionbankofindia.co.in या अधिकृत वेबसाइटवर सुरू झाली आहे. तर अर्ज करण्याची अंतिम तारीख 13 नोव्हेंबर 2024 आहे. चला जाणून घेऊया अधीक माहिती.

अशी आहे शैक्षणिक पात्रता आणि वयाची अट

युनियन बँक ऑफ इंडियामध्ये स्थानिक बँक अधिकारी (LBO) पदासाठी अर्ज करणारा उमेदवाराने मान्यताप्राप्त विद्यापीठ/संस्थेमधून पदवीपर्यंतचे शिक्षण पूर्ण केलेले असावे. यासोबतच उमेदवाराचे किमान वय 20 वर्षांपेक्षा कमी आणि कमाल वय 30 वर्षांपेक्षा जास्त नसावे. राखीव प्रवर्गातून येणाऱ्या उमेदवारांना नियमानुसार वयात सवलत दिली जाईल. 1 ऑक्टोबर 2024 ही तारीख लक्षात घेऊन वयाची गणना केली जाईल.

अशी केली जाईल निवड

या पदासाठी उमेदवाराची ऑनलाइन परीक्षा / गट चर्चा, स्क्रीनिंग टेस्ट किंवा वैयक्तिक मुलाखत घेत निवड केली जाईल. या परिक्षेसाठी सामान्य, EWS, OBC गटातील उमेदवारांना 850 रुपये अर्ज फी तर SC, ST, PWBD गटातील उमेदवारांना 175 रुपये अर्ज फी द्यावी लागणार आहे.

इतका मिळणार पगार

या भरतीप्रक्रीयेंतर्गत निवड झालेल्या उमेदवारांना दरमाह 48480 ते 85920 इतके वेतन दिले जाईल.

असा करा अर्ज

या भरतीसाठी अर्ज करण्यासाठी प्रथम बँकेच्या अधिकृत संकेतस्थळाला भेट द्या.

संकेतस्थळावर मुख्यपृष्ठावर जात भरती ऑप्शनवर जा आणि नंतर वर्तमान भरती या ऑप्शनला क्लिक करा.

नवीन पृष्ठावरील Click Here For Apply वर क्लिक करा.

यानंतर एक नवीन पोर्टल उघडेल जिथे नोंदणी लिंकवर क्लिक करून प्रथम नोंदणी करा.

नोंदणी केल्यानंतर, उमेदवारांनी इतर तपशील, स्वाक्षरी, छायाचित्र अपलोड करावे.

शेवटी, उमेदवारांनी विहित शुल्क जमा करावे आणि पूर्णपणे भरलेल्या फॉर्मची प्रिंटआउट घ्यावी.

समाज कल्याण आयुक्तालयात 299 पदे

 समाज कल्याण आयुक्तालयात नोकरीसाठी भरती जाहीर करण्यात आली आहे.

२९९ रिक्त पदांसाठी ही भरती जाहीर करण्यात आली आहे. 

समाज कल्याण आयुक्तालयात लघुटंकलेखक (स्टेनो टायपिस्ट), लोवर ग्रेड स्टेनो, हायर ग्रेड स्टेनो, वॉर्डन, सोशल वेल्फेअर इन्स्पेक्टर, वरिष्ठ समाजकल्याण निरीक्षक या पदांसाठी भरती जाहीर करण्यात आली आहे. स्टेनो टायपिस्ट पदासाठी उमेदवाराने १०वी उत्तीर्ण असणे गरजेचे आहे. त्याचसोबत त्याच्याकडे इंग्लिश आणि मराठी टंकलेखनाचे प्रमाणपत्र असायला हवे. (Government Job)

नोकरीसाठी १८ ते ३८ वयोगटातील उमेदवार अर्ज करु शकतात. राखीव प्रवर्गातील उमेदवारांनी वयोमर्यादेत सूट देण्यात आली आहे. या नोकरीसाठी उमेदवारांची निवड ही लेखी परिक्षेद्वारे केली जाणार आहे. उमेदवारांनी कॉम्प्युटर बेस्ड टेस्ट द्यावी लागणार आहे. त्यानंतर उत्तीर्ण उमेदवरांची निवड केली जाणार आहे.

या नोकरीसाठी अर्ज करताना सामान्य प्रवर्गातील उमेदवारांना १,००० रुपये शुल्क द्यावे लागणार आहे तर राखीव प्रवर्गातील उमेदवारांना ९०० रुपये शुल्क भरावे लागणार आहेत.या नोकरीसाठी तुम्हाला https://sjsa.maharashtra.gov.in या वेबसाइटवर जाऊन अर्ज करु शकतात. ११ नोव्हेंबर ही अर्ज करण्याची शेवटची तारीख आहे.